السلام عليكم ورحمة الله وبركاته
الـبـارحـه والـــــروح صــــارت عليله = والفـجـر عــيني ماهـنـت بـالـرقـادي
مـن جــادلٍ مـثـل النخيل الطويله = تـذبــح بـلـدَّتـهـا قــريــب وبــعــادي
لاسلهـمـت ذيــك العـيـون الكحيـلـة = ترمي سهام الموت صوب الفؤادي
قابلـتـهـا صـدفــه بـسـاقـي نـخـيـلـه = تقطـف ثمـر مـالاق ظبـي الحمـادي
قلـت الـسـلام ورد وش جيـتـني لــه = خوف وهلـع هـي تحسبنـي معـادي
جاوبـتـهـا يـابـنـت سـهــران لـيـلــه = ماترحـمـينـه راح حــالــه نــفــادي
تبسـمـت واضـفـت عـبــاةٍ وشـيـلـه = واقـفـت وخلتـنـي بْمـكـانـي انـــادي
واقفـيـت وانـاقــول يـاعـزتـي لـــه = الـلـي سـواتـي مـاوصـل لـلـمـرادي
خـلــي رحـــل وحـالـتـي مستحـيـلـه = اسهر واجر الصـوت كنـي عبـادي
يـاعـنــق ريــــم ذيَّــرتْــه الـفـتـيـلـه = سيـره مثـل سيـر الحمامـه ركــادي
ويـاعـود بــانٍ نـاعـمٍ فـــي ظلـيـلـه = ارحــم محـبـك مات دون الــذوادي
تـكـفـون يـالاجــواد مـابــه وسـيـلـه = من يفعل المعروف يجـزى وكـادي
ويـن انـت ياراعـي العلـوم الذبيـلـه = طــالبك تكفى وانت رجـلٍ قيـادي
لــعـــل والـيــهــا وكـــــل الـقـبـيـلـه = يعطونهـا لـي وانـت تكفـى سـنـادي
هــذا قصيدي يالنـشـامـى دلـــيــله = واذا بغيتـو الـزود عـنـدي زيــــادي