مجاراة في بداياتي الشعرية لها أكثر من ثلاث سنوات


وان شاء الله تنال اعجابكم


أرسل لي الشاعر:عبدالله بن سليمان الخنيني
هذه القصيدة
ويــقـــول فـيـــها:

الله اللـي لانواهـا للهدانــي=يغفر ذنوب الخطايـا والمفـزه
طالبك ياعفونا في كـل دانـي=تجعل الدنيا علينـا فـي معـزه
راشد اللي لادعيته ثـم دعانـي=ماحسـب للقافيـة ولااستنـزه
لاذبح للضيف من حيلٍ سمانـي=تفرح الضيفان ترحيـبٍ وفـزه
هذا سلم اللي على الخوة نصاني=خوته تشرى ولو غالـي مبـزه
ثم أدن النجر فالبـن اليمانـي=ريحته لافاح لـه كيـفٍ ومـزه
خذ نصيحة ياولد ذرب المعانـي=لاتطيح علومنـا لـو كـان دزه
من بغانا مالقانا فـي طمانـي=ومن جحدنا جاه في علمه مجزه
حن تميم اللي لهم قدرٍ وشانـي=وحن على كل القبايل مستهـزه
وحن تميم اللي عريبين المجاني=وفعلنا مابه في هالدنيـا يلـزه
تفتخر نجد الجزيـرة بالمبانـي=حصنوها ربعنـا جيـدٍ وقـزه
ياعسى برق يجيهـا عقربانـي=سبعة أشهر ماعلى خياله مرزه
يسقي ديار عليها الفعـل بانـي= وتفرح ديارٍ بنا التميمي عـزه
عزوتي يانجد في وقتٍ بلانـي=عزوتي ياعزوتي مابـك ملـزه
والختام الواحد اللي ماله ثانـي=والقصيد الزين ماعنـده مغـزه

ورديت عليــــه

وأقـــــول:

قال راشد من بديعـات المعانـي=يبدعـه للـي علـى ماقـال دزه
مرحبا باللي على الخوة نصانـي=مرحبا به عد مـن ربـي يعـزه
ياعريب الجـد يـاذرب اليمانـي=طيـب المـدات ماواحـد يلـزه
يالخنيني طيب شعرك قـد لفانـي=ثم لفـاك الـرد مجـزولٍ ورزه
رزها بالجيب وافخر فيـه ثانـي=وافتخر بالأولـه واللـي يكـزه
جاني منصوحك على مر الزماني=وقلت أنا لك تـم ياذيـبٍ نعـزه
ماتطيح علومنـا بمر الثوانـي=مايطيحها الردي وراعي المعـزه
حن تميم اللي على الشدة نبانـي=وفعلنا عـن كـل منبـوذٍ ينـزه
كل قاصي عارفٍ قومـي ودانـي=من مشارق الأرض لين أتلاه غزه
وحن تميم اللي ليا حان المحاني=نلطـم العيـال لاحلـت مـفـزه
وحن هل العينين فينا القول زاني=ومن نوانى بشين في عينه نغزه
عزوتي آلاد عيوني في زمانـي=وافتخـر بـآلاد دارم كـل حـزه
الكرم والجود عاده مـن زمانـي=ومن يعادينا ترى راسـه نجـزه
وجاك ردي يوم حان الوقت حاني=وجاك ماتبغاه من شخصٍ تعـزه
والصلاة على النبي يامن دعاني=ومرحبا بك عد من ربـي يعـزه

وسلامتكم