من الارشيف هذه الابيات امل ان تحوز على رضاكم
والله يرعاكم
العذر عندي لوتماديت مقبول=اغفر عن الصاحب ثمانين زله
رفيقناماهوعلى الشين محمول=والمعضلات الكايده ماتدله
الى زعل نرضيه ماهو على طول=نطمس بياناته ونمحي سجله
ياهيه خبر واحد شبه مهبول=ان الخوي عندي كبير محله
والطيب لهل الطيب نرجعه مدبول=في شرعنا الصاحب دايم نجله
وعطفي على كل القريبين مشمول=قريبنا واجبه مافيه للله
والجار باب الشرلوجار مقفول=دونه ومن دونه له الخير كله
نجهل على الجاهل بلى غير معقول=والاخلاق ساعات المواجهه ممله
ولاتجينن بعض الاشخاص بفعول=نجن فوق اجنونه ابمايشله
عاقل مع العاقل ومجنون مخبول=مع واحد لاشيف ينقال عله
هذا وكل له مع الناس مدخول=والارواح تتوالف وكل وخله
ومن شهر سبتمبر الى اخرايلول=انقح ابياتي بطلح السجله
هديه فيها من الهرج معسول=للي نشد ممشاي مع اي شله
جاتك من الخافق ولوكان مذهول=نبذه قصيره والخوي مانمله