بسم الله الرحمن الرحيم
مساكم طيب وعنبر ومسك يالربع ,,,, والله ينور قلوبكم ,,,
ما فيه أحد ياالربع ما مر في مواقف صعبه ,,, وأحياناً صعبه للغايه ,,,
قصيده ,, أتت كالسؤال مالذي يجب ان تفعله في تلك اللحظه ,, مع العلم إني أشرت للإجابه في بيت او بيتين ,,, ’’
أتركم مع هذه القصيده ,’’’
عندي سؤال وحالتي منه حاله = وأردده تسعين مره ومره
أمسك يمينه والبلا في شماله = و من جاوبه ياناس لله دره
ياناس وش فرق الردا والجماله= في واحدٍ ما به من الطيب ذره
لا وقّفت بين الغلا والرجاله= في موقفٍ مال السنع فيه جره
وغشاك شيٍ يستحيل إحتماله = وثوبك من الضيقه تفك وتزره
والراس طاش وكل شيٍ طراله = ولا عاد ينفعك العتب والتشره
دام إستوا عم الرديّه وخاله =عينك عن اللي صارصعبٍ تصره
من ذل في بعض المواقف شكاله = وألا على واجبك ذلك مضره
ينصك باب وفيه بابٍ بداله = بابٍ وسيع وباب يكفيك شره
والصد في وقت اللوازم نذاله = وعرف السعه معروف كلٍ يغره
لو قلّ قدرك في عيون الحثاله= ما ينقص النجم الصغير المجره
مثل البحر ما نقّصته البياله = ولا ضيّق العود الطري وسع بره
ما فيه مخلوق الزمان إستواله = كم واحدٍ قد ذاق حلوه ومره
بس القوي لا مال شي إرتكاله =وألا الضعيف إضعيف كلٍ يفره
ما قلَ من قدر الصخي قِل ماله=وراع الردا لوهو ملي ما يسره
ورده لا مليون ورده لكل ( مار) من هنا ... بس هالمره لا تقلبون الميم ف
أخوكم : فهد الغنام الشمري