[عمر ال شيبي]

المشاركة الأصلية كتبت بواسطة نجم الإبداع

يادار فين احبابنا عنك شدو=تحت التراب وذكرهم فيه طيبي
ماكنهم سارو عليك وتعدو =من عقبهم يادار حالي صعيبي
ياليت شعري يوم الاحزان لدو=فقد الشبابي والصديق اللبيبي
اخر خبر جاني قبيل امس بالدو=حز الحشى موت الصريح العتيبي
الصاحب الي من رجالن يبدو=رجل المواقف والكلام العجيبي
عزيز نفس ولو له الناس حدو=ماينقصر وان صحت سرعه يجيبي
ان شاف مجلس فيه الاصحاب مدو=شال الحسام وقام فيهم خطيبي
انا اشهد انه من رجالن يقدو =فقده خساره بالزمان العصيبي
مرحوم ياعايض والاحزان جدو=جعلك في الجنه وغصنن رطيبي
نرفع تعازينا لفايز تندو = والهمهم الله صبر يشفي العطيبي
الموت حق وعنه ما يوم ردو =من خلّف الشجعان ماله مغيبي
دعوه بظهر الغيب وحروف ضدو=يالله تغفر للصريح العتيبي

غفر الله له واسكنه فسيح جناته
وابدله الله دارا خير من داره واهلا خير من أهله
وجمعه الله بمن يحب في الفردوس الأعلى

وبيض الله وجهك فلاح