أسمعوا أعطيكم سالفتي

أنا من طلعت على هالدنيا وأفلام المصاريه تقول : أيه ياحمادة أنتا رقل (رجل) شرأي(شرقي)

وصاروا في المسلسلات الخليجيه يقولون مثل المصاريه

وأقعد أنا من صغرتي أسب وألعن الرجل الشرقي مادريت أن الرجل الشرقي أنا وأشكالي أثارينا أنا المقصودين

بس ماشفت فينا شيء ناقص لنا يدين ورجلين وخشوم وثموم(جمع فم بالعامي = أفم بالقصيمي والحايلي على ما أعتقد) وعوينات لبى عويناتنا (عيونا)

وفي الأخير هذا أنا وش زينا وش حلاتنا مافينا ألا العافيه ياله من فضلك

عسى الله لايغير علينا بس حريمنا مساكين ضعوف يشوفون ذا السواريه وحيص بيص ويحسبون أن ذا صدق مادروا أن السعودي على وجه الخصوص يموتون فيه أهل ذيك البلاد ولا يهونون أخوانا لأنه أخلاق مايطق ولا يوذي ويقدر أهل الحرمة ويدلع حرمته

وأحلى من ذا كله حبوب يجي على وجهه لين حب حب من قلب مايعرف يمه أرحميني

لا وأبشر الحريم بعد لين جاء ليلة الدخلة مسيكين يجيك منحاس ويكب عشاه يخر كل شيء لعيون المهرة الي هو ماخذها ثمن مايدري ألا هي معوده عليه عقايب
---------------------------------------------
همسة أخيرة :

مسكين أنت ياشرقي مضطهد وملعون حتى بين نسائك كما قال بديع الزمان قمر الدين ابن حلسه : ( مثل الشعير ماكول ومذموم ) خخخخخخخخخخخ

بغينا نرطب الأجواء ونهدي اللعب