انتظرت ترد وما رديت
رد على الثمانية أبيات وكفيت ووفيت
وحنا اخوان وبيض الله وجهك فديتك
هرجك روايح صيف والأمطار هتان ورشوش = ماتسقي الريضان والدنيا كفى الله شرها
تقدر عليّ إن كان كوعك لأطرف لسانك ينوش = ومن غيرها ما أظن والدنيا كفى الله شرها
عطنا كلام ٍ في الغزل يجلى عن العين العموش = يسرح به التفكير والدنيا كفى الله شرها
لاشفت ريم ٍ نابي الردفين والوسط امحشوش = حارت بي الأقدام والدنيا كفى الله شرها
إلى أغضت بعين ٍ لها سيف المنايا بالرموش = عشري ثمان اتكون ، والدنيا كفى الله شرها
والخد مثل البدر نوره صافي ٍ مابه خدوش = وعنق المها ، ممدود والدنيا كفى الله شرها
والجمرتين اللي مثبت بينهن صف الجيوش = وبالصدر طلع التين والدنيا كفى الله شرها
وزمّة نهد دون النحر ملفوفة ٍ لف العشوش = والقد عود الند ، والدنيا كفى الله شرها