رد على: مستشارك الشخصي والإجتماعي
السلام عليكم ورحمة الله وبركاته مساء الخير والدي العزيز تقول عدم النجاج هي ما عمرها خذت دور أبدأ ودرجاتها تقريباً الأغلبية من ممتاز لجيد جداً وجيد لأني متابعتها لكن دون تشديد مني حتى ماتطفش وعشان ماتعتمد علي إعتماد كلي لأني لمحت في شخصيتها الإتكالية أشوف ميولها المشكلة مالها ميول خير شر لارسم ولاخياطة ولا طبخ ولا تصاميم ولا أي شيء مع إننا أنا وخالاتها وبناتهم كلنهانتقن عدة أشياء خياطة ورسم وتصميم ديكورات و طبخ إلا هذي مخها نايم الشيء اللي حاطته في بالها تبي تشارك في ستار أكاديمي ؟؟!!! مجنونة والرقص هو الشيء الوحيد اللي تتقنه وتقولي ماما لو وافق بابا أروح معهم ما تقولين لاء ؟ كأنه يعني مامنعها إلا موافقتي والدراسة أنا لازم أخليها تكمل على الأقل ثالث متوسط والباقي نتفاهم فيه معها بعدين مع إني أشوف إنه ضروري الوحدة تحصل الشها دة الثانوية والباقي لو حصل فهو زيادة خير وأنا ماأدري طالعة لمين هالبنت حتى ماتغير من أحد ولا شيء هي ألحين بالصف الأول متوسط وصديقاتها اللي متعلقة فيهم ومتعلقين فيها كلهن من الأوائل على الصفوف صعبة أخليها وهي ما كملت المتوسط على الأقل ولوكان عندها هواية زي ما أنت قلت لي يمكن كان الوضع إختلف شوي مع إني مصرة على الشهادة الثانوية أو المتوسطة على الأقل إذا مما قدرنا عليها هذاني أغريها بطريقة جديدة أقولها بجيب لك ملخصات ذاكري منها بس ومو لازم تروحين كل يوم للمدرسة بس روحي إختبري إختبار الشهري وبعدين نذاكر للنهائي وخلاص لحد ما يفرجها ربي ويجي أبوها وأشوف لها متخصص زي ماقلت أنت طال عمرك وأنا علي فعل الأسباب وأتوكل على رب العالمين