بمناسبة قرب الدراسة ابت القريحه الا ان اكتب ولو الشيء اليسير..
فعسى ان تحوز على رضى القارئ العزيز.
يا شباب الغد خلاص إستمعوا رنات الجراسي=راحت العطله على ما يسر الله من حبور
استعدوا للكراسي قرب العام الدراسي=إنتها وقت السَّهر والنوم بالصبح مهجور
إنتها نوم النهار وحركوا كل الحواسي=ومن تحرك باول العام آخره يلقى سرور
أيدكم بيد المعلم تابعوا معه المِراسي=ومن بغا العليا تمسك في مجاديف العبور
يا المعلم إستعن بالله وتشمخ بالاساسي=في سبيل الخير أشعل درب طلابك بنور
في بحور العلم خذهم صوب زينات المراسي=والحذاري من غرقهم في متاهات البحور
حلل اللي كل شهرٍ تاخذه راتب قياسي=والضمير الصافيه ماهيب ترضى بالدبور
تبري الذمه وعند الله أجرٍ كالرواسي=ابذل المجهود حتى تبني أجيال وقصور
يا شباب الغد خلاص إستمعوا رنات الجراسي=المعلم ينتظركم تعبروا معه الجسور