[ثار التميميه]

المشاركة الأصلية كتبت بواسطة عايض المقاطي

هرج سمعتـه ما يسـر الرياجيـل=من واحد"ن" جاني علـي باتصالـه
تنعـاف ياهـرج وراك الغرابيـل=وتنعـاف يارجـل نويـت النذالـه
وجـه كلامـك يـاردي للمهابيـل=رخوم الرجال اللي تروم الجهالـه
أما أنا ريـح مـن القـال والقيـل=مالك على مثلـي طريـق ودلالـه
من دونكم سليت حـد المصاقيـل=ومن لا برك للحمل ما قيل شالـه
أحشم رفيقـي وأذخـره للمقابيـل=وليا عوى بالصوت صوتي عوى له
حتيش لو تزعـل علـي العواذيـل=وحتيش لو قامت حـروب وقتالـه
يانعنبـو رجـل يحقـر الرياجيـل=ان ناسبـه ولا تخطـى مجـالـه..!1
ويانعنبـو رجـل يمـد المهازيـل=واللي عن المعروف تقصر حبالـه
بعز نفسي ..وأفتخر بالمشاكيل=قروم الرجال اللي تعز الزماله
واللي مضريها بشرب الفناجيل=يضحك ليا مدوا علاه البياله..!!
واضح كلامـي ما يبا لـه تفاصيـل=هذي هجوس القلب واللي طرى له

كل القصيده ابداع وربي

صح لسانك ولاهنت

شاعر رائع ومبدع