السلام عليكم
مادري اذا كان مجال النقاش لازال مفتوح او لا
لكن اولا ملاحضاتي على القصيده اللي قريتها
بشكل سريع هي الاتي
من حيث الوزن ماقدرت اهضم وزن الاشطر الاولى في الابيات هذي
مرحوم ياعوني وتاجي وعزي والفخر
يابويـه اللـي ماتـعـدد طبايـعـه
يهزني حنين ماضي وذكرى للـورى
واعيد ذكـرى مامضالـه وأراجعـه
واقول يادنيا الفنا ماعلى وجهك بقـا
والفايـز اللـي للعبـاده مطامـعـه
يعني اعتقد ان المفروض تكون :
مرحوم ياعوني وعزي والفخر
يابويـه اللـي ماتـعـدد طبايـعـه
تهزني ذكرى حنيني للـورى
واعيد ذكـرى مامضالـه وأراجعـه
واقول دنيا ما على وجهك بقـا
والفايـز اللـي للعبـاده مطامـعـه
هذا من ناحية الوزن
والصور المستخدمه بس لقيت هالصوره يبيلها اعادة نظر
وأسمـع تراحيبـه ونجـره ودلتـه << التراحيب والنجر نعم نسمعهم لكن الدله ما اعتقد لها صوت
الامر الاخير القصيده اجمالا جدا رائعه واحييك عليها
ـــــــــ
حول القافيه
اراها ميه ميه وان خالفوني الربع
لك التقدير والتحيه