[محمد الأحمري]

اطلبك انا يابوي من جد ولهان=ابغا مرادي وتجمع اقلوب حية
تجمع عشيق(ن) ماله اليوم سلطان=محكوم في نفسه وروحه شقية
الحال ولت مابقى غير ظلعان =تمسك خفوق(ن) جرعته المنية
يابوي انا والله مانيب ماكان=سهم العشق قطع قلوب البرية
لي حب صادق من فعيلات الإحسان=بنت(ن) تسوق الطيب ماهي ردية
عفة وصلاة وطهر ماتترك اركان=وبين العرب اصل(ن) لها مقدرية
مابيننا شئ على دنس او شان=حب(ن) عظيم(ن) عاالشرف معتلية
بنت الشيوخ وفعلها خير برهان=واخوانها اذياب الدجى والحمية
قوم(ن) لهم صيت(ن) على مر لزمان=مهرة اصيلة وسخرت لي عطية
فاضت بقلبي وانطفح فيض بركان=وحبه سكنا العماق ولع شظية
شفني سنيني اقضي الليل سهران=لاماعرفت النوم ماعرف هنية
ياما تحت ثوبي من اهموم واحزان=تثقل علي وحنى الظهر بيه
اعوي عليهم عويت الذيب سرحان=جايع غريب(ن) في طقوس(ن) شتية
جارت به الأقدار ظلم(ن) وعدوان=صابر وحيد(ن)ماشتكى من غليّه
ياطول لليلي ماطوله هم وشجان=وافز فزت منرمي ابندقية
هذا العلم يابوي جازم وصملان=ابغا تهنيني قبل جي المنية