[صعبة المنال]

المشاركة الأصلية كتبت بواسطة عادل الظفيري

تعبنا أن نلهث خلف السراب

وتعبنا من الوعود الكاذبه

لن نصبح أغنياء ابدا

سرقوا حتى التراب

ياشمس

ياشمس هذا الكون ياشعلة النور = ياطهر الأرض وكل منهو عليها
لوتنظرين بداخلي إنسان مكسور = حلمه وطن به مهرةٍ يعتليها
أحيان أغيب وأصدم كثير جمهور = والمعجبات اللي وروده بيديها
هربت عن واقع مزيف ورى السور = رمى الأماني وجيت لك تحضنيها
جيتك وفيني يختلج أبيض شعور = طهر الزمان ودمعتين أمسحيها
في نجد كانت لي أماني تبي تثور = لو وزعت بالأرض ماتحتويها
عبرتها عابث على دبي مغمور = أدور اللي أجهل إني أبيها
ياشمس قلبك معبره عشرة سطور = وردت على شريان وصلك خذيها
ماعاد لي في نجد غرفه ولادور = وإلا القصور اليوم صعب اشتريها
مجبور أعيش الواقع المر مجبور = دام الظروف القاسيه تعرفيها
وأنا مجرد حر عايش ومقهور = قصة سجونه لافرغتي أكتبيها
بالمختصر ياشمس واقف بطابور = ولاأقدر أشري لنفس ماتشتهيها
لأجل كذا قررت أبحث عن النور = وإذا صدفتي جثتي كفنيها

عادل الظفيري

الله الله على روعة الالقاء
والعزف



صح لسانك,,,,


صعوووب