يا نديم ابن السفر لا لاعب الشاعر يعزَّه= وأنت شاعر لك معزة لك محبه يا نديـم
من قديم الناس تفرح بالمطاليق الأعَِّـزه= وأنت مطلق يا عزيزي بك طلاقه من قديم
العديم إللي هبوب الصيف لا هبت تهـزَّه=والهبوب إن كان هبت ما تهز ألا العديـم
مستديم الود باقي ونبغض أللي فيـه رزَّه= ليه ؟ لأنه فيـه رزه كيـف وده مستديـم
أستديم الشعر. يعجز من يجاريني بكـزَّه =غير شاعـر للمشاعراستدامـه وأستديـم
يالله دِيْمَ الود بين القـوم شعـار المعـزَّه= فالفلـك ولا الفطاحـل أسألـك بالله دٍيـم
يا نديم ابن السفر لا لاعب الشاعر يعزه= وأنت شاعر لك معزة لك محبه يا نديـم

مرحبا بالخط واللي بالفلـك يمـي يـدزه=فيه من نفح الخزامى كل ماهـب النسيـم
اسفرت بك يامحمد وانورت في كل حـزه=يوم شفت القاف يمشي بالطريق المستقيـم
ليه يانسل النشامى جيـت قافـي تستفـزه=تحسبني بالقوافـي ياولـد مسفـر غشيـم
لاتلز القاف يم الـدرب الاقصـى لاتلـزه=خلها بالدرب الادنى لين تاقـع فالصميـم
المراجل يامحمـد دربهـا شيـخ ٍ منّـزه=عن تفاهات الرجال وعن سواليف الحريم
اكنها شارون يومنـه تولـى حكـم غـزه=انكشف ستر العروبه واختفى ذاك الزعيـم
نحمد الله يوم جانا من سهول الهنـد مـزه=ادرس التاريخ تدري كيـف واقعنـا اليـم
كل واحد جاب صقر وحط عند الصقر وزه=وانت تدري بالنهاية خابـر ٍ مثلـك فهيـم