ناض هاجوسي كما برق المخيله=لين بانت صورته داخل خيالي
ياهجوس الشعر والنسمه العليله=ابدعي الطاروق لاطاب المجالي
لاجل ابو نواف كساب الجميله =ارسل القاف المرصع بالجزالي
قل له ان البارحه بنه وهيله = كيّف المامول في روس الرجالي
جمعة الاخوان خل امعا خليله=في زمان تقاطع اصحاب الريالي
والله اني ارتحت ياراعي الوصيله=مع وجيه اللي حضر طاب الوصالي
مثل ابو احمد من رجاجيل الفصيله=واللقاء بابو فهد ينسر حالي
والمعلم هاشم اللي طاب قيله=واجتماع اخواننا باحلى الليالي
كثر الله خيركم واطيب نزيله =بارك الله في سكنكم والعيالي