ألــفية الفطـــاحــلــة

[عبدالعزيز الصبيح]

أببدا بحرف الألف ومن بعدي يكمل (باء) وهكذا إلى أن تتم الألفية وان جا أحد عقب الياء يبدا انجليزي ما يخالف أهم شي لا نوقف ( واثق أنه بتتم ألفية ) وفكرتي بصراحة أن هالألفية تنشر في همس القوافي بعد تمامها ثم تضاف لديواني لأني صاحب الفكرة (كني اشوف بعضكم يقول والله ماتاخذ حقنا لو ياصل الدم للركب ) خلاص كل واحد ياخذ اللي يكتبه واقصروا الشر .

(ألفً) أولف من حروفي بدايه=لالفية ترجي بلوغ النهايه
واللي عقبني يحتمل للوصايه=(البا) بباك أسقها لا عدمناك
البا بنايه ما هدف لأي غايه = ولا ابغي وراه العرف وإلاّ الدعايه
قصر الفطاحل لو يزيد بعنايه = (التاء) تزهل تكتب الحق يمناك
(التا) تمنيت الوصل أخضر العود=وارض الظما تسقى بهماليل وبرود
وجدي لشوفه والتوجد بلا فود=عطني الدوا من (ثاك) ياللي رجيناك
الثا ثلاث سنين والقصر مبني=والكل منا يالفطاحيل يجني
وكل عليه من الرجاجيل يثني=احذر يا راع الجيم بالدور جيناك
الجيم جينا فالسمينه نساهم=اهل الوفاء والجود محدن نساهم
كل ٍ بسهمه يالفطاحل يساهم=إما كذا وإلا كذا لاتعداك
(الحا) حروفي لو تجيكم تبختر = وتشوف جزل القول منكم تستر
فيكم زهير وكعب واشجان عنتر = والخاء على درب المراجل بتنخاك
(الخا) خليلي بالقصايد فطاحل =اهل النفود وساكنين السواحل
فيهم شيوخ وناعسات كواحل =والدال عندك يا عسى الدال يهناك
الدال دورت القوافي بدله = ومن قال ابقلط فيتخير محله
يشرب من الجزلات تبرد لعله= والذال ذللها بذالٍ لذولاك
الذال ذالي عن هوى البال مده = ظرفي تحداني وظرفه يحده
خذني معك بالموج يابحر جده = ياعاشق الراء هات بالحرف معناك
الراء ربحنا رجال من كل ديره = شالوا الفطاحل واكملوا للمسيره
حتى غدا كالشمس دايم منيره = والزاء ياراعيها نهلي بزياك
والزاي زانت في عيون القصايد= عطر القوافي بالمشاعر قلايد
يالله تحيي كل شاعر ورايد=بالسين غادي يا هلا بك وحيّاك
السين ساقتني حروفي على السين = لا قلت وينك قالت الدرب لا وين
ولا قلت عوذي من جميع الشايطين = قالت لحرف الشين دربي ونا افداك
الشين شاب الراس والقلب لا زال=يعشق سمينات المعاني ويختال
بنات فكره لأنتخى جات بالحال=والصاد لا نبغى الصدد لو تمناك
الصاد صدرت القرارات بدري = وصار العمل يجري بسهل ويسري
كل قسم له مشرف ولا له بعذري= والضاد ضدي والتهاون بمرماك
الضاد مو ضدك ولا هو لك بند=وأنا يمينك فالرخا وساعة الجد
احكم بهد طويق وآجيك وأهد= والطاء طار النوم عني بمغزاك
الطاء طرى لي بعد هرجك سوالف = والطير لا منه فرد بالخوالف
يطير يبحث عن خوي موالف = والظاء ظهر امرٍ ولاهوب يخفاك
الظا ظفر الرجل لاحك جلده=أهون وفرق بين معطي وجلده
كريم سبلا منت رجال جلده=هذا كلامي وافهمه رب يرعاك
العين عيا النوم يرقد بعيني = يقول وش بك دايم مبتليني
والناس تسهر مادرت بالغبيني= والغين غاب سهيل وسهيل لاقاك
الغين غرد يابيض الريش وحدك=مادام جوك صافي لايردك
غير الذي سوى جمالك وقدك=ولاتلتفت للبوم لامن تحداك
الفا فلا بالارض مثل الفطاحل=متميزين بودهم والتواصل
مودةٍ ماهيب تحصيل حاصل=دخولهم من باب ماهوب شباك
القاف قلي يافتى الجود بالقاف=رايك بربعً ما بدى منهم خلاف
أهل المعاني مورثه كنز الاسلاف=عطني الجواب بكافك اللي تلقاك
الكاف كل شايل ما يطيقه = ومحدٍ توانى او شعر أي ضيقه
ذولا الفطاحل عارفين الحقيقه= واللام لولاهم قعدنا بتبراك
اللام لاهل الجزل مركى ومجلاس=بقصر الفطاحل راسيً ثابت الساس
ومرقابه اللي معانقً حوم قرناس=والميم جت لك مثل كيفً بمركاك
الميم ما والله على البال يطري=نترك فطاحل حبهم حب فطري
اللي لهم بالقلب صفحه وسطري=واثبت لهم يانون صدقك ومبداك
النون نفخر بالقروم المناعير=يطري علينا ذكرهم طاري الخير
القاف منهم كالدلال المباهير=وحد القصيد الواو شفها تحراك
والواو ويلي فالفطاحل بلاني = اساهره وادفع ولاقد عطاني
ولاقلت وش بك قال فكرك جفاني= والياء ياراع الياء فالياء تفداك
اليا يختم القول من والف احزان=جني شعر متصور بصورة انسان
لامن شرب كاسه تعوذه شيطان=سكرة فطاحل عانقت مطلع افلاك

[الطائر المهاجر]

البا بنايه ما هدف لأي غايه = ولا ابغي وراه العرف وإلاّ الدعايه
قصر الفطاحل لو يزيد بعنايه = (التاء) تزهل واسقها لاعدمناك

[عبدالعزيز الصبيح]

(التا) تمنيت الوصل أخضر العود=وارض الظما تسقى بهماليل وبرود
وجدي لشوفه والتوجد بلا فود=عطني الدوا من (ثاك) ياللي رجيناك

[سناعيس]

الثا ثلاث سنين والقصر مبني=والكل منا يالفطاحيل يجني
وكل عليه من الرجاجيل يثني=احذر يا راع الجيم بالدور جيناك

الجيم جينا فالسمينه نساهم=اهل الوفاء والجود محدن نساهم
كل ٍ بسهمه يالفطاحل يساهم=إما كذا وإلا كذا لا تعداك

(الحا) حروفي لو تجيكم تبختر = وتشوف جزل القول منكم تستر
فيكم زهير وكعب واشجان عنتر = والخاء بنت تنتخي خط يمناك

[عبدالعزيز الصبيح]

(الخا) خليلي بالقصايد فطاحل =اهل النفود وساكنين السواحل
فيهم شيوخ وناعسات كواحل =والدال عندك يا عسى الدال يهناك

[الطائر المهاجر]

الدال دورت القوافي بدله = ومن قال ابقلط فيتخير محله
يشرب من الجزلات تبرد لعله= والذال ذللها بذال لذولاك

الذال ذالي عن هوى البال مده = ظرفي تحداني وظرفه يحده
خذني معك بالموج يابحر جده = ياعاشق الراء هات بالحرف معناك

[الطائر المهاجر]

الراء ربحنا رجال من كل ديره = شالوا الفطاحل واكملوا للمسيره
حتى غدا كالشمس دايم منيره = والزاء ياراعيها نهلي بزياك