ما انتم عرب يا مدعين العروبه

[الطائر المهاجر]

هذي كاتبه من حوالي الشهر ثم انشغلت بالمنتدى وقلت اليوم لازم اكملها وانشرها
لأن ماهي العاده اني اقعد شهر دون ما انشر شي

ما انتم عرب يا مدعين العروبه = ولو تلبسون البشت واغلا العمامات
ولا انتم زنوج ولا سلالات نوبه = ولا انتم هنودٍ ابدعوا بالصناعات
انتم بهذا العصر والفين كوبه = حتى ولو لجدودكم ماضيٍ فات
تلوموا الحكام في كل نوبه = وانتم سبب ما صار من كل علات
البعض يشكى ما نظر في عيوبه = يهوى التبطح ما يبي اي شغلات
إلا اذا هي ما توسخ لثوبه = تحت المكيف بين صحف ومجلات
ولا انهى دوامٍ ما درت به جنوبه= لل"نت" يركض يقضي الليل مابات
حتى غزونا من شمال وجنوبه = وصاروا هل الديره وحنا الجنبّات
تكاتفوا والكل قام بوجوبه = في جلب من يبغى وصاروا الوفات
وصرنا اقليّه ببحرٍ عبوبه= قامت تلاطم والبعض ذاق حسرات
فقرٍ وجوعٍ مقبلٍ مع هبوبه = ضرب عوايل مالقت شي تقتات
وبعضٍ تسلق بالمكر واللعوبه= واصبح ظهر للأجنبي في الملمات
يعطيه طفسه من حتاحت جيوبه= وتحويل لبلاده الوف الريالات
وبعضٍ اذا منه علا في رتوبه= كبّر لكرشه بالنهب والرشاوات
ماهوب ناشد لو تكاثر ذنوبه = المال خدّر ضامره لين مامات
المشكله فينا وهذي عقوبه = لأنّا تبطرنا بعد فقر وآفات
لابد ما نصحى ونعلن لتوبه = ونعرف حقوق الدار عن وعي باثبات
كلٍ بجهده ماضيٍ في دروبه= باخلاص من قلبه ولو عاش ويلات
دارٍ بليا رجال تصبح نهوبه = للاجنبي مهما اشتغل باي شغلات

[العصفور]

شكرا لإمتاعنا بإبداعك
لاهنت
تحياتي

[فارس القوافي]

هلا ابو عبدالله

اي بالله صدقت


صح لسانك


لاهنت


كثر لنا من هالنوعية


يعطيك العافية


دمت بخير

[زهرة اللوتس]

صح لسانك وفكرك
لاهنت
لها عوده تليق بها

[عبير الورد]

لابـد مـا نصحـى ونعلـن لتوبـه
ونعرف حقوق الدار عن وعي باثبات


ايه بس متى ...






صح لساااانك ملايين
سلمت وسلم منطوفك الجزل
ربي يعطيك العافية

[حوريه]

دارٍ بليـا رجـال تصبـح نهـوبـه
للاجنبي مهما اشتغل بـاي شغـلات

صح لسانك ودام عزك
قصيده جميله ومن
شاعر متمكن
دمت ودااااااام عزك

[منيع]

اجدت وفي الصميم
والحديث ذو شجون
شكرا لكم
تحياتي

[بيدي رسنها]

..... صح السانك مليووووون ومايسدون ...
ابداع من رايد الابداع ... وجزاله من شاعر الجزاله تثني له .. اهنيك على هذا النص وبيض الله وجهك ياالمهاجر ... قصيدتك ذكرتني في قصيدة سمو سيدي الامير خالد الفيصل اللي يقول :
حنا العرب يامدعين العروبه .... وحنا اهل التوحيد وانتم له اجناب ..
وحنا شروق المجد وانتم غروبه ... وحنا اهل التاريخ وانتم به اغراب ..
. تحياتي

[عبدالكريم اليوسف]

لابـد مـا نصحـى ونعلـن لتوبـه

ونعرف حقوق الدار عن وعي باثبات

صح لسانك
جزله من راس جزل
لا عدمناك

[الخنساء]

المشاركة الأصلية كتبت بواسطة الطائر المهاجر

هذي كاتبه من حوالي الشهر ثم انشغلت بالمنتدى وقلت اليوم لازم اكملها وانشرها
لأن ماهي العاده اني اقعد شهر دون ما انشر شي

ما انتم عرب يا مدعين العروبه = ولو تلبسون البشت واغلا العمامات
ولا انتم زنوج ولا سلالات نوبه = ولا انتم هنودٍ ابدعوا بالصناعات
انتم بهذا العصر والفين كوبه = حتى ولو لجدودكم ماضيٍ فات
تلوموا الحكام في كل نوبه = وانتم سبب ما صار من كل علات
البعض يشكى ما نظر في عيوبه = يهوى التبطح ما يبي اي شغلات
إلا اذا هي ما توسخ لثوبه = تحت المكيف بين صحف ومجلات
ولا انهى دوامٍ ما درت به جنوبه= لل"نت" يركض يقضي الليل مابات
حتى غزونا من شمال وجنوبه = وصاروا هل الديره وحنا الجنبّات
تكاتفوا والكل قام بوجوبه = في جلب من يبغى وصاروا الوفات
وصرنا اقليّه ببحرٍ عبوبه= قامت تلاطم والبعض ذاق حسرات
فقرٍ وجوعٍ مقبلٍ مع هبوبه = ضرب عوايل مالقت شي تقتات
وبعضٍ تسلق بالمكر واللعوبه= واصبح ظهر للأجنبي في الملمات
يعطيه طفسه من حتاحت جيوبه= وتحويل لبلاده الوف الريالات
وبعضٍ اذا منه علا في رتوبه= كبّر لكرشه بالنهب والرشاوات
ماهوب ناشد لو تكاثر ذنوبه = المال خدّر ضامره لين مامات
المشكله فينا وهذي عقوبه = لأنّا تبطرنا بعد فقر وآفات
لابد ما نصحى ونعلن لتوبه = ونعرف حقوق الدار عن وعي باثبات
كلٍ بجهده ماضيٍ في دروبه= باخلاص من قلبه ولو عاش ويلات
دارٍ بليا رجال تصبح نهوبه = للاجنبي مهما اشتغل باي شغلات

صح لسانك مليووون

قصيدة جزلة من شاعر متمكن

سلمت ودام حرفك