مجاراة مورغيني ومايباخ ...

[هترل]

بعد اذن ابن عمار والدكتور مجاراه وليست رد
قرات طاروق موجه من الشاعر المبدع محمد بن عمار لشاعرنا القدير الدكتور عثمان اعجبني وحبيت اجاريه ...


يقول بن عمار

مرحبا يالشايب اللي ماشيٍ دربه خراص
ما درى ان الارض من حوله بها الغام وفخاخ

الرمي يدوش الى اخطى للهدف ضرب الرصاص
والجمل لامن ثقل حمله بوسط الدرب ناخ

والشعر لاجاك حشوٍ صار به زود ونقاص
يصبح الشاعر مثل منهو زرع بارضٍ سباخ

يفرض الابداع نفسه في الشعر مابه مناص
لا تهيا لك ديارٍ معتدل فيها المناخ

في نظرهم الجزل لكزس واشوفه جيب شاص
وما اظنه مورغيني او اظنه مايباخ

النظم الهام نازل ما درسناه اختصاص
والمشاعر لااحتواها ترضخ لامره رضاخ




اقول

ياهلا يالشاعر اللي مركبه دنا وباص
كل ما طاح بمطبٍ قام يندب بالصراخ

الرمي ما يدوش الا قلب صاحبة الخراص
ومن يشيل الحمل لامنه تعثر قيل داخ

التمر انواع لكن الحساء تمره خلاص
والدجاج اللي نعرفه في مصر اسمه فراخ

الشعر بحرٍ غزير وكل شاعر فيه غاص
احدٍ يجيب الجواهر واحدٍ يجيب الجواخ

من يبي الابداع يرسم فنه بمرسم رصاص
ومن يصاحب دلخ لزمه ينكوي بنار الدلاخ

النظم ماهوب وسمٍ لاهل رفحا والنماص
النظم احساس شاعر من شبابه لين شاخ

[الطامي]

صح السانك ياهتررل
مجاراة طيبة من شاعر علم
لاهنت

[داعي الشوق]

صح لسانك يا هتررل

مجاراه متناسقه في موضوعها

لاهنت يامبدع

[هترل]

المشاركة الأصلية كتبت بواسطة الطامي

صح السانك ياهتررل
مجاراة طيبة من شاعر علم
لاهنت

صح بدنك يالطامي
شكرا لاطلالتك

ودي,,

[هترل]

المشاركة الأصلية كتبت بواسطة داعي الشوق

صح لسانك يا هتررل

مجاراه متناسقه في موضوعها

لاهنت يامبدع

صح بدنك يابو سعد
شكرا لاطلالتك

ودي ,,

[نفحات حساسة]

صح السانكم

مجاراه رائعه

[عاشقة السحاب]

النظم ماهوب وسمٍ لاهل رفحا والنماص
النظم احساس شاعر من شبابه لين شاخ





صحت الالسنه
جميل

عاشقة

[هترل]

المشاركة الأصلية كتبت بواسطة نفحات حساسة

صح السانكم

مجاراه رائعه

صحت ابدانكم اختي الفاضله
شكرا لاطلالتك

[هترل]

المشاركة الأصلية كتبت بواسطة عاشقة السحاب

النظم ماهوب وسمٍ لاهل رفحا والنماص
النظم احساس شاعر من شبابه لين شاخ





صحت الالسنه
جميل

عاشقة

صحت ابدانكم اختي الفاضله
شكرا لاطلالتك