راكب الي كن دقت سويكه تذكره//قصيده

[الطامي]

للشاعر/خالد بن عفير

اذكرو الله يالاخوان ترا عمره 19

راكب الي كن دقت سويكه تذكره.=ان تكفل بذهاب ايتكفل بالاياب..
وارد اليابان مافيه شيئن يقهره.=لاندكروزر لونه من الوان السحاب..
اشهد انه يطوي الدرب لا دار كرفره.=سايقه في الخط ماجاه ضيقه واكتئاب..
كن زوله كانه اقفى قطاتن مدبره.=بينها ومابين قناصها يزمي السراب..
وكن زوله كانه اقبل من الهجن خيره. =فيها من ختل السريحي بليلن به ضباب..
صانعه اشمط عيونن وجيهه مقشره.=شارب الشيفاز واكله من جنوب الكلاب..
وان بغيت العلم مني فلا والله احقره.=صانعن له صنعتن مالحق فيها عياب..
سايقه قبل اسود الليل لايغيب قمره.=وعاد جنح الليل كاسين علئ روس الهضاب..
نصه الي لاعطا وجه مايعطي ظهره.=راس روس وستر من تزها القلايد والخضاب..
من صناديد محلف عاد فالروس نعره.=مجدهم لازال من عادها بحد الحراب..
قل بدر اني من الهم صدري مقبره.=اتعزز واخفي الحزن وجروحي عطاب..
سبة الي غاب عامن ولارد خبره.=من غلاته شاب قافي وانا توي شباب..
كل ليلن عقب فرقاه لا مر اسهره.=وكل يوم دون طاريه ماهو لي حساب
وكل عينن عقب عينه مهيب مقدره.=وكل زولن عقب زوله ليا مال الذهاب..
لاتقول انساه حاولت لاكن ماكثره.=قلتلك بس اتعزز وانا جروحي عطاب..
كان ماجابه من الشوق سحبن ممطره.=جعلها تجيبه رياح الغلا بداعي العتاب..
ذا كلام الي طوى الحزن قلبه وفطره.=لا لقاء شورن موفق ولادعا مستجاب..
يمسي به الهم ولااصبح مع الفجر نثره.=شيب عين الي بليا سبب ذاق العذاب..

[الطائر المهاجر]

راكــــــب الــــــي كــــــن دقــــــت ســويــكـــه (تـــذكــــره)
ما خبرت التذكره لها صوت ، يمكن يقصد كركره
شكرا لك وصح لسانه

[داعي الشوق]

صح لسان خالد
، الله يخليه لهله

ومشكور ابو محمد على النقل

[منيع]

ابيات رائعه
كل الشكر على اطلاعنا عليها
تحياتي لكم

[الطامي]

اهلا دكتور
قبل الألات الحديثه كلنا نعرف ان صوت ماكينة التذاكر تشبه صوت المبرقات قديما

وكان تشبيهه صائب في نظري حيث سمعتها قديما وحديثا
طبعا لمن لايتعامل مع التكنلوجيا الحديثه

صح بدنك
وشكرا لمرروك
ولاهنت

[الطامي]

داعي

صح بدنك
وشكرا لمرروك
ولاهنت

[الطامي]

بو حمد

صح بدنك
وشكرا لمرروك
ولاهنت

[بنت النور]

اختيار رائع جدا
قصيده كلها معاني
وشكرا لك

[الطامي]

بنت النور
شكرا لمرورك
ولاهنتي اختي

[جهاد الشعلان]

ماشاء الله

صح لسانه

وتشكر على النقل