معــــــركة لسعـــة الـــدابـــــــ....

[سالم محمد اليامي]

مساكم الله بالخير
وشحال كلاً بسمه
تلبية لدعوه الاخ الصمت الثائر
وحبا لتواجد بينكم

هذي مصافحه مني لكم
واتمنى لكم التوفيق جميعا



اذكرووووو الله

وصلوووووو على محمد


والعنووووووووو بليس

الحـب لـه لسعـه مـثـل لسـعـة الــداب=والـمـوت كُـلـه لنـتـشـر فـيــك سـمّــه
إن جيـت تطلـع مـنـه بالحـيـل كــذاب=وإن جيـت تصبـر هـذي اكبـر مطـمّـه
وآلحـب لـه نظـره ومفـتـاح وابــواب=وارواح عـاشــت بـالـفـرح مستـتـمّـه
مخـلـوق مامـيـز قريـبـيـن وآجـنــاب=تقـريـب كــل الـنـاس لـلـنـاس هـمّــه
حلقة وصل مابين صاحـي ومنصـاب=ونقـطـة تفـاهـم فــي حيـاتـك مُـهـمّـه
مثل الهواء في الكون يمشي وينساب=وإذا نـــوى لك حـطـك بـجــوف كُــمّــه
لا يمتـلـك مـخـلـب ولا يمـتـلـك نـــاب=هيئـة حقـوق إنسـان فــي راس قـمّـه
ماهـوب رايـح لـك كـذا مالـه آسـبـاب=لابـــد لــــه مــــوّال جــابــه وخــمّــه
آطـاح فـي حـكـام وشـيـوخ وآشـنـاب=وفـتــاوي الــدعــوه وروس الأئــمّــه
ويكـرم عـن الأذنـاب وعيـال الأذنـاب=ومحشـوم عـن درب الـردى والمذمّـه
وآقلـبـي إلـلـي يحتـضـر بـعـد مــاذاب=وآعـيـنـي إلـلــي نـومـهـا مـاتـضـمّـه
وآراسي إللي من صدى المعركـه شـاب=وآجـرحـي إلـلـي مالـقـا مــن يـلـمّـه
وآحظـي إللـي طـول الأيــام منـصـاب=وآعـمـري المحشور فــي زود غـمّـه
وآجرحي إللـي بيـن الأظـلاع ماطـاب=يـنـزف ولــو ماشـافـت الـنـاس دمّــه
ياللـي سرقـت القلـب مـن بعـد ماتـاب=ونسّـيـت قلـبـي عــن خـوالـه وعـمّـه
درب آلهواء ماهو مثل درب الأعجاب=درب الـهـواء يبـغـى تـواصـل وهِـمّـه
تـعــال دام الـجــوّ صـافــي وجــــذاب=وقـلـط عـلـى قلـبـي ورُكـــه وصُـمّــه
وإن كــان تبغـاهـا مـجـازر وارهـــاب=إطـعــن خـفـوقـي واستـحـلـه ودِمّـــه
وإن كــان تبغـاهـا سـعـاده وتـرحـاب=فالسـالـفـه-دقـــه-وشوفـه-وضًـمّـه
مابيـنـي وبـيـنـك فـواتـيـر وحـســاب=بيـنـي وبيـنـك حــب صـــادق وذمّـــه
تبغى الكلام إللـي بـلآ شـرح وخطـاب=مافيـه غيـرك صـرت اشوفـه واشمّـه
فـي غيبتـك كنـي محـاصـر بـسـرداب=لا درب قــدامـــي ولا فـــيـــه يـــمّـــه
تايـه ولا لــي عــن مفالـيـك مجـنـاب=ضامي وانا اشرب من غيابك وآعمّـه
مبطي ولك في عيـن شاعـرك مرقـاب=عـالـي ولا لحـقـك مــن الـنـاس نًـمّـه
ياعـود كمـبـودي وياطـيـب الأطـيـاب=يـاغـيـمـةٍ تـمـطــر عــلــىّ مـدلـهـمّـه
صحيـح مـالـك عنـدنـا جــد وانـسـاب=لاشــك حــرف الشـيـن عـلــى مـتـمّـه
الرابـط إللـي يربـط آعــراب بـاعـراب=عيـال جــاك الـعـون وآخــوان شـمّـه
وآهل المراجـل ماهـي بمرجلـة سـاب=إلا مـراجــل إحشمه وآحشم أَمّــــه
فديــــت كبدك من يناير الى آب=وفديت كبدك كـــــل موعـــد ولـــمــه
ياهاجـري والحـب لـه خـيـل وركــاب=ودم الـوفــاء مـعـكـازه إلـلــي يـزمّــه
آبـغـاك تحفظـنـي بقلـبـك والآهـــداب=وآنــا بحفـظـك حـفـظ يـاااامـي لـدمّـه
ياللـي هـواك آشـد مـن قطـع الأرقـاب=وآطهر مـن الـوحـده بعينـيـن الآمّــه
مشتـاق واللـي زادنــي هــم وآتـعـاب=لاجـاتـنـي لـبـيـه مـــن وســـط فـمّــه

وسلامتكم

[الطائر المهاجر]

ارحب ياسالم
وحياك الله بين ربعك واخوانك
مصافحة جزلة من راس جزل وشاعر مبدع
صح لسانك وفكرك
ولا هان راسك
ولك استقبال في قسم الإستقبال
تحياتي الطيبة

[عبدالعزيز البليهد]

يالبا قلبك ارررررررحب ياسالم

مصافحه فاخره وشامخه

صح لسانك ولاهنت

[عبدالله راشد الثويني]

سالم محمد اليامي
شاعر جزل حيااااك الله يابعدي بين اخوانك وربعك
مصافحه جزلــه وأطلالـه راقيـه
صح لسانك مليون ولا يكفون طامعين بجديدك دائماً
الشكر موصول لاخوي الصمت الثائر على هذه الدعوه

[عمر ال شيبي]

صح لسانك وهلا بك بين اخوانك

لا هنت

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[منيع]

ابيات اكثر من رائعه
شكرا لك ولحرفك المميز
تحياتي وتقديري

[عبدالرحمن بن زهير]

ارحب يابومحمد الله يحييك بين اخوانك وربعك والشرف لنا وانا خوك....اما من ناحية القصيده ماعاد فيها راي الجزله تنعرف من اول بيت صح الله لسانك وهذي معلقه ماهي قصيده...تحياتي"القرني"

[داعي الشوق]

صح لسانك يا بو محمد

و مرحبا بك مليوووون

قصيدة شامخة ياليامي

وقاف رائع بالحيل

و حضووور مميز

كـ حضورك الجميل

صح لسااااااااااااااانك مدد

مع التحية لك و التقدير

*********************

[شجون القصيد]

ياهلا بالشاعر الكبير / سالم اليااامي وبحضوره وتواجده المختلف هنا.

باذخه في منتهى الفتنه والروعه

ياسلام على الشعر الحقيقي حينما لا يستأذن في معانقة القلب قبل الأذن

لايسعني الا ان اقول

الصمت في حرم الجمال جمال

مليون هلا بك مره اخرى

تحياااتي