محاورة ظهر الأربعاء 24 ربيع 2

[الطائر المهاجر]

الطير=
صار به منشار في يد الضرير= وقام ينشر لين ما ادمى لأصبعه
فلاح=
عودنا وش فيك لاتلبس حرير= لاتحاول حولك اركان اربعه
الطير=
دام راسي حي ما اسمح بالنكير= ولا لثعلب لابسٍ ثوب ارفعه
فلاح=
الكبير الي تبع طفلن صغير= راح عمره ماوصل للمطبعه
الطير=
انكشف ذيله ولو انه قصير= وانخلع نابه وبين مرمعه
فلاح=
خذ عبر من قيس والا من جرير= والزعاف اليوم خلك تجرعه
الطير=
الرجال رجال تفهم للنذير = وتعرف اللي يرتكز في الموقعه
ما بنيت الدار والصرح الكبير= غير لرجال بعقلٍ ما اروعه
فلاح=
اشهد انك يامنادي عالشفير = والعلوم الي انت خابر مرقعه
الطير=
والرجل عقله يقوده في المسير= ومن عط عقله لغيره ما اضفعه
فلاح=
اشهد ان الصوت له مية سفير= للبطين يدش والا يفقعه
لاتحاول ماكلينا الي فطير= صيدنا محروس حول المجمعه
الطير=
العقل نعمه اذا ادركت المصير=ومن ترك لابليس امره يخدعه
فلاح=
القلوب تروح من دون الغفير = لو غفل ساعه يضيع مرجعه
الطير=
والرجل يدرك لما يخفي الستير= ويعرف الأهداف يفهم مسمعه
فلاح=
بكره الجنه وبكره زمهرير= فاختر الي يعجبك واسلك معه
الطير=
قال كاشف قلت اكشف للدثير = تحصل العقرب وراع البردعه
دام تدري فاضبط لعقلك تسير= واغلب الشيطان واللي يتبعه
فلاح=
احذر الشرطي وخلك مالغفير=العيون تشوف فعل البرقعه
الطير=
المره امك واختك والنصير= فلا تخل ابليس ياخذكم معه
وش عملنا يامهدد بالعسير= كان بك شيطان افزع واقطعه
ابوعمار=
جهز لنفسك وعزم بالمسير=يم دارالعود كانك تقنعه
الطير=
وكان تحتاج المداوى من خبير= كية بالراس يرجع مصنعه
ودام ابو عمار لامثالك شوير= ضاع راع الشور وضيعكم معه
لانه المسكين واقع كالأسير= ومن عبر للشط خلاه امعه
فلاح=
هل يجوز الصوت ياهذا الامير=للسوالف مع بنات الفرقعه
عودنا عثمان شره مستطير= للهوى دايم يأشر باصبعه
الطير=
دام تجهل ما حصل وقت النصير= يوم دين الله عال الاشرعه
فارجع واقراه وافهم وش يصير=ولا تعجل فالشريعه ما اوسعه
عودك اللي حر حي في الضمير= عارف دربك ولا هو امعه
فلاح=
انشدوا الباحه مع حوطة سدير= عن علوم العود والقول ارفعه
الطير=
ماتلاقي شي لو عبر الأثير= خطي الواضح يدوخ اربعه
فلاح=
وان نشدتوا نجد واطراف العقير= مايجي بالعلم منهم جعجعه
الطير=
خابرك صنديد في وقت الهجير= غير اشوفك صرت شايل بردعه
ابوعمار=
عودنا اللي بالفتن ماله نصير = الفتن بالراس خلف الاقنعه
فلاح=
كل دكتاتور له يومن مرير = والندم مافاد ساعة مصرعه
ابوعمار=
لا تقول ولاتعيد ولا تعير = غير قول الحق منك نسمعه
فلاح=
اعتبر ياعود وش ذنب الفقير=ودك انك بالفيافي تجدعه
ابوعمار=
وان فهم ولا على نفسه بصير= خلي قافه وخل قوله ينفعه
الطير=
اسأل لنفسك قناعك من حصير= كاشف لسانك وهرج تبدعه
فلاح=
فكرك المفتوح للعالم خطير= ماتحسب لامسيات الزوبعه
الطير=
من مشى في الحق مشيه مايضير= ما يخاف من العواصف تصدعه
كاني الدكتاتور في الحق الشطير= من تعدى الحد لزما اجدعه
فلاح=
خلها ياعود تمشي للمصير = واترك الي عاف صوت الصربعه
لاتعاتبني وانا منك استجير= بالذي سوى الوجود وطبّعه

[يوسف بن صالح]

يا سلاااااااام

الله يعطيكم العافية جميع

كتبتوا فأبدعتوا


الله لا يهينكم

[ابراهيم عبدالحميد]

الطائر المهاجر

محاورات جميله تتميز بإبداع رائع و راقى
سلمت يداك أخى و دمت لنا

[الطامي]

الله عليكم
فطاحله
صح السنتكم
قافية ومعنى
لاهنتو وشكرا لكم
ولاهان الطائر على النقل

[اصيل]

احسنت
ولاهنت
تحياتي

[بليهان]

شكراً لما امتعتنا به
تحياتي

[السريع]

كتبت فأمتعت
شكراً لك
تحياتي

[طويق]

مشكور
على ما افدتنا به
تحياتي

[المورد]

بارك الله فيك
على ما تقوم به
احترامي

[المتابع]

بارك الله فيك
كتبت فقرأت فاستفدنا
تحياتي واحترامي