أطرف سعودي يقنعه ويعلقه في مروحه ..!1

[عايض المقاطي]

للتواصل مع من يصعب فراقهم




,,




,,,

البارحه يوم العرب كلٍ عن السجه سلى=أنا سهير وناظري بين القلم والمسبحه
أخايل بروق السما ودور فسوق الغلا=عن مهرةٍ خيالها وقت المزاحم تربحه
لن الخبر ما هو غرام مع البني ذقته ولا=زحمة كلامٍ يجتول في خاطري جيت أشرحه
السالفه بالمختصر قمة مواثيق الولا=لأرضٍ غلاها من عصر عوج الحنايا مسرحه
يا هاجسي أما كذا سج القدم ولا فلا ..!=خلك معي في طرقتي واليا انغلق باب افتحه
المملكه هي دارنا واللي عرف ما يجهلا=بأن السما إلنا غطا ولا ثراها مطرحه
من حبها فاض الحشا ثم امتلى ثم امتلى=واللي مشكك فالبحر قله يطب ويسبحه
صحيح أنا ماني عليم بخافي قلوب الملا=لكن ترى مالي ورا هرج التخمن مصلحه
مشاعر الشعب الوفي لو جيت أترجمها على=بيض الورق ما ضمها لو نفرشه فأرض ابرحه
الدار هذي دارنا واللي على العرش اعتلى=آل السعود ملووكنا وطويق محدٍ زحزحه
تاريخهم نقش الصخر فيما مضى واللي تلا=ونقشٍ على صم الصخر ياهل الوفا من يمسحه ..؟!
في ظلهم مهما جرى شرع الولي جل وعلا=مثل الذرى يضفي على عنق الوحش والاجنحه
من يوم أبو تركي لفا نوره عن المرقب جلا=ليل الدجى والغطرسه ناوش علمها واطرحه
وبأمر الولي ثم الدها حوم على وحوش الخلا=واستانست ما بينها عقب استحالت مذبحه
واليوم في عهد الحكيم ابن الحكيم الأولا=في عهد أبو متعب ضوى ذود الأمان ومسرحه
اللي سطاوة هيبته راس العدو منها غلى=وأطلق ملك لا من نظر يمه غدى له كحكحه
وحنا معه في سلمها واليا عوى ذيب الفلا=قلبٍ نداوي علته والقلب الآخر نجرحه
واليا لقانا من شكى في قلته زود البلى=قلنا الجبل عانه قدم خذ لك عزم ثم انطحه ..!!
ولا من طرى ذكر الوطن قلنا هلا يعقب هلا=يا طاريٍ صدر السعودي لا تضايق يشرحه
واللي مشكك فالغلا لأطهر وطن ولا الولا=أطرف سعودي يقنعه ويعلقه في مروحه

[محمد عبدالله البدراني]

محجوووووووووووووووووووووز مع الترحيب الحارررررر

[صعبة المنال]

السالفـه بالمختصـر قـمـة مواثـيـق الــولا
لأرضٍ غلاها من عصر عـوج الحنايـا مسرحـه
يا هاجسـي أمـا كـذا سـج القـدم ولا فـلا ..!
خلك معي في طرقتي واليـا انغلـق بـاب افتحـه
المملكه هـي دارنـا واللـي عـرف مـا يجهـلا
بـأن السمـا إلنـا غطـا ولا ثراهـا مطـرحـه


صح لساانك

حب الوطن لا يضاهيه ....حب


صعوووب

[محمد عبدالله البدراني]

اخي العزيز الغالي غايض المقاطي سلمه الله


ياهلا بك وغلا


انت وينك يارجل


وليه الجفاء لمن يحبوك


لاتمارس ضدنا الغياب فنحن نودك ونرحب بك ونفرح بتواجد امثالك بيننا


حجزت افق وهئذا اؤكد الحضور


مليون مليون مليون صح السانك

وعلا شانك


قصيده جميله ورائعه ومعبره


لاعدمناك ياعايض


ولله دررررررررررك

لله دررررررررررك



ولافض فوك



لي عوده ثالثه ان شاءالله فقصيدتك لاتمل




تحيتي وتقديري

[جلال ابراهيم الصبيح]

صح لساااانك يا أخ عايض قصيدة جميلة جدا....راااااائعة وفيها الكثير من المعاني الجميلة

لله درك سيدي.....وماشاء الله عليك.......لاهنت.....دمت بخير.


عاشق دمشق

[زهرة اللوتس]

عايض المقاطي


سلمت وسلم فكرك
جزلة من شاعر جزل
لاهنت وبيض الله وجهك
تحياتي وتقديري

[نجم الإبداع]

ارحب ياعايض

وصح لسانك على المصافحه الجزله

لاهنت


تقبل مروري

وتقديري

[داعي الشوق]

الله الله

يالشاعر عايض المقاطي

الغايب الحاضر

سلمت يا عايض على القصيدة العصماء

معاني قمة في الجمال يا عايض

شاعر رائع بمعنى الكلمة

صح لسانك مع التحية لك

[ترانيم المطر]

صح لساااانك ياعايض

قصيدة جميلة
والروعه تكمن بين طياتها

لله درك مدد لا عدد

تقبل من التحيه أغلاها

ودمت بود.

[ناصر عبيد الهواوي]

لله درك ياعايض جزلة بالحيل ومعبرة وشامخة
لاهنت على هالمشاعلر الوطنية الجياشة
احسنت واجزلت وتقبل تحياتي