المساجلة الشعرية العامة

[الطائر المهاجر]

ياسهيل انا من عقب سمر الجدايل = لا نيب انا ياخوك حي ولا ميت

[نجم الإبداع]

تسري القوافي بالمشاعر وتختال = بحور ماجا بينها حرف عله
فيها درر والزهر من كل الأشكال= تمازج اللهجات يافاطنً له

[الطائر المهاجر]

هل الهلال وجاء هلال بعد عام = وانا انتظر والحظ لازال نايم
مدري متى يصحى ولاقيه قدام = ينعش فؤادٍ في المزايين هايم

[سناعيس]

مدري متى ياقلب تقفل اكتابك=والا تبي ياقلب يقفون الاحباب
الله جعل حبي لخلي عذابك=المعذره ياقلب ترى الحب غلاب

[الطائر المهاجر]

المعذره ياقلب فالحب غلاب
صح لسانك

بين خضر قلبك من الزين ما تاب = تطرد سراب ولا وصلتَ حراويه
امرك خطير ولا عرفنا له اطباب = وقلبك مع الخفرات منتاب قاويه

[نجم الإبداع]

ماودي احطم سرابك والاحلام = ياعود خلك باقي العمر صايم
ماعاد يهونك ذوات التبسام = الحال من بعضه على اهل العمايم

[الطائر المهاجر]

مدري علامك شايبٍ قبل حدك = افلح فلاح وخل فكرك محله
قلبي وقلبك مثل ابويه وجدك = دام يتحرك فالهوى مهنة له

[سناعيس]

ماودي أقفل باب الأحباب بعدي=أبترك عيال الحمايل يحبون
أنا قضيت وماحصلي يسدي=واعلنت انا التوبه مع اللي يلبون

[سناعيس]

هلا هلا باللي دخلنا عليهم=المعذره كاني عليهم تعديت

[الطائر المهاجر]

نويت توبه يالسناعيس بعد ايش = الظاهر انه غصب ماهوب طيّب
اما ان عندك من نتف باقي الريش = والا الاديتر حامي منت طيّب