الطيار ياهلا بك والجميع

[ابو زياد]

ياهلا با للي دخل ذاليوم نكه=ياسلام الله عليكم يالجميع
السمن ياصاحبي هاته بعكة=هاه يالطيار وش علم الربيع

[الطائر المهاجر]

طار طيارك وحلق فوق مكه = يدخل الموقع ولكن بالسريع
يمكن إنه لا دخل يشعر بتكه = او فلا له في الفطاحل مايبيع

مرحبا باللي تربع فوق دكه ***** عذره بوقته وهو وقته وسيع
الولع يا صاحبي ما منه فكه ***** في الضحى صالي وليل به صقيع

طار طيارك وحلق فوق مكه ***يدخل الموقع ولكن بالسريع
يمكن إنه لا دخل يشعر بتكه ***او فلا له في الفطاحل مايبيع

ان دخل ما بينكم من هو يفكه ***** الذيابه تفرس الحمل الوديع
لو يهج بكل صوب وكل سكه ***** ضاع واللي يطرده لا ما يضيع

[ابو زياد]

ياهلابك والغلى مكتوب صكه=وقعه شيخين والموقع رفيع
لك زمان ساكت والشعر زكة=زك شعرك لا يضيق به الوسيع

[الطائر المهاجر]

من دخل دار الفطاحل زال شكه = ما نفرط به ولا يمكن نبيع
لكن اللي ما يبي صعب نضكه = نتركه في راحته حتى يطيع

ان بعدت اونس بصدري شن يدكه **** يجذبه لون الذهب يلمع لميع
بس ماشري دونما عشره ولا اكه **** والورق قبلي لقى سد منيع

[سناعيس]

اثركم هنا وأنا مادريت
عموما صح قلوبكم ولاهنتوا

اسمحولي يالربع أبا اتفكه=من ثمر قيفانكم واقطف جميع
جيت متأخر وحظي دوم سكه=والشمالي بارد مثل الصقيع

[الطائر المهاجر]

صن في لعبك وزاتك لاتفكه = وارسل الشارات يفهمها التبيع
والسدود القايمه من حول بكه= لامتلت تنهار ما تصمد جميع

شايبك لا طاح لزم انك تعكه=والزمن وان طال ما ينسى الصنيع
طيركم لا شك قاعد وسط شبكه=وان طلع وابعد فلا شك بيضيع