محاورة جرت بين سعود الحافي وفلاح الزهران

[داعي الشوق]

جرت هذه المحاورت بين الشاعرين سعود الحافي والفلاح الزهراني



وكانت البداية من الشاعر سعود الحافي

الا يا مرحبا باللي جمعهم موقع الدكتور = سوالفهم تزينها القوافي و اسر يا ساري
انا الليله على المعنى و ادور شاعر مشهور = فلاح اللي نسميه السنافي و اسر يا ساري

الشاعر / فلاح بن منشار الزهراني

بقيت ولا شقيت وجيت لك يالصاحب المخبور=هلا بك يارفيقي وانت وافي واسر ياساري
مادامك جيت ناوي للقوافي والخبر مستور =تحزم واقرب الي منك خافي وسر ياساري

الشاعر سعود الحافي

ترا الطرقه طويلة و المثايل ريعها مخطور = و انا مدري تحصل لك عوافي و اسر يا ساري
يطيب الوقت لامنك جبرت الخاطر المكسور = و مني ما تخفّيك الخوافي و اسر يا ساري

الشاعر / فلاح الزهراني

انا ماقلت لك بعّد وقرّب عقب ست شهور=وكلّم صاحبك حق المطافي واسر ياساري
ولكن دامها طرقه طويله والخبر موتور =رَسَتْ بعض المراكب فالمرافي واسر ياساري

الشاعر سعود الحافي

هلا يالحاضر الغايب شغلت بغيبتك جمهور = و كلن يجهل اسباب التجافي و اسر يا ساري
سريت ولا هقيت انك تغير لا وصلك الدور = عسى ما باس شاعرنا النصافي و اسر يا ساري

[الطائر المهاجر]

وانا على الخط اشجع
صح لسانك وانتظر فلاح

[عمر ال شيبي]

يا زين الفنجال صح لسانك ومتابع معكم

[عبدالعزيز العمار]

الله الله

صح لسانك ياسعود

وفي انتظار فلاااح

[عمر ال شيبي]

الله عليكم ما اجمل ابداعكم وسر يا ساري

[الطامي]

صح السنتكم
وانا بالصف مع الدكتور واسر ياساري
كملوهاااااا
لاهنتم جميع

[طوفـــان]

هالله هالله

ماشاء الله عليكم ، لايوقف تكفوون أحيووو المحاورة


<< مستمتع حد الثمالة

[داعي الشوق]

هلا يالطامي و مرحبا يا عبدالله

و صحة ابدانكم

خلوكم بالصف

يا سلام عليكم

شاعرين رائعين

ياريت واصلتو شوي

تحياتي لكمااااا

[صنداح الزلامى]

وبهذا نتابع مجريات المحاورة ونقول صح الله السنت شعرائنا

والى الامام