غزة تصرخ

[الطائر المهاجر]

رائعة من شاعرة رائعة
ومتجددة الإبداع
صح لسانك وفكرك
ودام ابداعك
تحيتي ومودتي

[الصريح العتيبي]

المشاركة الأصلية كتبت بواسطة انكسارات النخيل

وش صار ياهقوة عرب؟؟
وش صار والموت إقترب؟!
صاحت حناجرنا جراح
نزفت مأقينا ندم
وش صار من بعد...الغضب؟
أرض العروبة شَبت
ووقودها ...الأجساد
وغزة تنادي ياعرب
وأطفالها تجهش ألم
ضاع الأمان
ضاع الوطن
والحق لفوه بكفن
وياكثرها الأكفان
حماس تستنجد
وقفة حزم واصرار
وحرٍ ينادي بثار
والعزَه..لغزَة
ياربنا انصرنا
بالصبر أيدنا
ويانخوة الشجعان
ثوري بكلمة حق
تكسر رماح الغدر
وترجع..الأوطان
يالله يارحمن
شف أمة الإسلام
تذبح كما الأغنام
عفوك واحسانك
ياربنا المنان
رحمتك نطلبها
نضرع ونصرخها
النصر لعبادك
والموت للعدوان...الموت للعدوان

لانزف جرح العروبة من شتات=واستفاض الدمع من حزن العليل
ياعروبة بس يكفيكي سبات=إرفعي رايات نصرٍ ماتميل
مادريتي؟شجبنا أصبح ممات=صرنا مانملك سوى الذلة سبيل
غزة تصرخ جفنها عيا يبات=كم جريح وكم يتيم وكم قتيل؟
كم تعالت صرخة الثكلا فوات=كم شكت لجراح من صبرٍ طويل
كم نعت اللحود ضمات الرفات=كم نصيق أقوالنا بقولٍ هزيل
كم من الخذلان ماخذنا عضات=لى اعتبرنا الصمت هو الحل البديل
وياعروبة إجمعي شتاتك ثبات=واستفيضي عزم من جرح العليل

انـكـسـارات الـنـخـيـل

حاولت ان اقتبس احد الابيات ولكن وجدت الجميع لاافّضل احدهما على الاخر

مترابطه وفضلت اقتباس الجميع

صح لسانك ولاهنتي على هذه الشامخه

دمتي بخير حال

[منصور العبدالله]

كم من الخذلان ماخذنـا عضـات
لى اعتبرنا الصمت هو الحل البديل
وياعروبة إجمعي شتاتـك ثبـات
واستفيضي عزم من جرح العليل


صح لسانك اختى الكريمه

منذ زمن لم يعانق ناظرى قلمك

وقد احتفلت بهذه القصيده

مع جرحنا المستديم

فلسطين العرب النائمه

تحياتى ورد

[سلطان العطاوي]

بيض الله وجهك
صح لسانك
ونصر المسلمين
لا عدم

[محمد بن عمار]

السلام عليكم ...
الله انكسارات النخيل / موجعه حيل
سلمت وسلم غاليك على هالتألق
وصح قلبك ونبضك وكلك
تحياتي لسمو اخلاقك
محمد بن عمار

[ام العمده]

صح لسانك واعتلااا شانك

لاهان راسك

ابدعتي

تحياتي وتقديري

[عبدالله الشويمان]

الاخت انكسارات النخيل

صح السانك

نص راقي واحساس صدق

لا هنتي لا هنتي

صح صح صح الساانك

قصيده جزله من شااعره جزل

لا هنت

موج القصيد

[سعد الشقحاء]

صح لسانك
واعتلا شانك

[حي الضمير]

نسأل الله ان ينصر اخوانا في غزه ويثبت اقدامهم
ويخذل اعداء الاسلام والمسلمين

قصيده تستحق المرور لمرااااات