ياحليلكم يالحريم

دخل رجل على زوجته وهي مشغولة بالبيت وناداها :

هو : يافلانه

هي : سم

هو : تعالي ابيك لوسمحتي

هي : وش عندك ?

هو : تعالي وأعلمك

هي : ياحبيبي مشغوله اكوي ملابسك

هو : خلي الكوي وتعالي

هي : طيب

ثواني وهي جايه بلبس روعه وريحتها اروع وابتسامتها ماليه وجهها

هي : سم آمر حبيبي

ناظرها بابتسامه صفراء وقال : تراني اعرست عليك !!!!!

جلست على الكرسي وهي تناظره وقالت بصوت يرتجف وقالت : وش قلت ؟

هو : اقول تراني اعرست عليك ويالله قومي خذي لك ملابس وروحي لاهلك

ابسافر انا وزوجتي الثانيه كم يوم وراجع !!!!!

ناظرته هي مصدقه ومو مصدقه وبدون سابق انذار هب في وجهها وقال قومي الان وحطي لك كم خلق

ويالله تراني انتظرك بالسياره لاتتأخرين علي..............

طلع وهي تناظره الا مبققه عيونها دهشه من الخبر وحيره من اسبابه !!

دقايق معدوده وهي تفتح الباب وتركب معه وبصوت يكاد يختنق قالت : لو سمحت ممكن تجيب الشنطه ؟

نزل من سيارته واخذ شنطتها وحطها بالمقعد الخلفي .....شغل السياره وتوجه لبيت اهلها شوي وهم واصلين للبيت

وصلوا البيت وقالها تفضلي انزلي .....

فتحت الباب ونزل قبلها واخذ الشنطه وجاء من عند بابها ومسك يدها

وقالها حبيبتي تراني مااعرست عليك ولاهم يحزنون بس ترا ابوك مات !!!


هي بدون شعور قالت :

^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^^
أشواااااااااااا

[الطائر المهاجر]

كلش إلا شريك الروح .... يقول المثل : تنسى خالقها ولا تنسى ....
هذي وحدة ثانية : مات ابوها وطول النهار والليل وهي صياح ونواح
والرجال يحاول معها يمين يسار مافيش فايدة ، يعني مكتئبة حيل
وبدت ترفض الأكل ولا تنام ، فالرجال في العمل وبعد ثالث يوم ،
قال لواحد من ربعه اتصل بالبيت وإذا ردت ، قل أجل وين فلان ، تبي تقول وش تبي به ،
فقل لها ، ابغى ابارك له بزواجه ... وتنفذت الخطة ..
يوم جاها متأخر ، واذا بالمرأة بعد الحزن متحولة بركان ، ما بغي كلمة قاسية إلا جابتها
يالخاين ياللي فيك وما فيك انا تعرس علي ، بس وين حطيتها بنت الحرام خطافة الرجالة
ابروح لها وتشوف ان ما خليتها تنحاش وتخليك ..
قال خلاص ابروح انا وياك لها ، حاطها في الفندق الين يهديك الله وتسكنينها معك ...
وبدأ يتأخر عن البيت ، الين صدقت ، فتركت الحزن والمهاوش وبدأت تهتم فيه أكثر ،
يوم خامس واذا هي ناسيه إن ابوها مات ..

[شموخ سدير]

حسبي الله ونعم الوكيل كل الثنتين شينات

بس بعد حرام عليكم هذا ابوها مو ابو الجيران عشان ماتزعل

وتحزن وين حنا فيه انتم اللي وش تبون ؟؟؟ تبونها تقعد تغزل فيكم وتسنع

لكم وابوها توه ميت والله مافي قلوبكم ذرة رحمه

ما نقول الا حسبي الله ونعم الوكيل ............

خخخخخخخخخخخ

قوووووووووية يالوافي

وأبو عبدالله ياخي ضحكت لين دخت من كلامك تجيب أمثال ماشاء الله عليك ماقد سمعتها من مبطي أيام جداني الله يرحمهم خخخخخ .

شموخ سدير وسعي صدرك يعني أنتي مصدقه فيه واحد بيموت ابو زوجته وبيقعد كذا لا تصدقين يعني اكيد بيحزن وبيتعاطف والله لو الإنسان معاشر كلب أكرمكم الله والله ثم والله أن يحن له ويحن عليه بس هذي السواليف ضحك ومزوح تجي وتروح ولا وقت الجد أتحدى واحد يسوي كذا وحتى مجالس الحريم فيها تندر وضحك على الرجال وقصصهم وخياناتهم الي ينسج حولها القصص بعضها مايدخل العقل ويدخل عقل المرأة لأنه في داخله تحب تصدقه لي تحس بأنها محتاطه ومن ثم تحس بالأمان

شكراً

تحياتي

ههههههههههههه

يعجبني هالزوج .. يعرف للحريم

قصة جميله يالوافي لاهنت يابعدي


اما ابوعبدالله .. فاضافته رائعة

لكنه مايزال ابوعبدالله ماااااله حل

جاب مثل غير صحيح


اما الصحيح يابوعبدالله

فيقول المثل : الزوجة تنسى ربها ولا تنسى حبها >>>> وش رايك فيني رقعتها .. بس ترا آخر مررره



طبتم جميعا وطابت لياليكم

ههههههههههههههههههههههه
والله ضحكت من قلب ....................
المشكلة انكم يارجال عارفين نقطه ضعف الحريم ..........

[الغريب]

أبي أعلمكم قصة حقيقية صارت معي

اتصل أبو المرء وقالي تعالوا الرياض ترى عم مرتك مات ونبي نصلى عليه وندفنه

أبيك تعلم مرتك بس بهدوء

مرتي كانت قبل الزواج صديقة لعمها ومثل السكرتيرة ترتب مكتبه و أورقه وملفاته يعني الخبر راح يثر فيها

المراد

إنا طالع الساعة 2 الظهر من العمل وزاقتن معي ولا لي خلق على أي شي وكان وقتها رمضان واصلاً رحت للعمل مواصل
المهم عقب ها الإرهاق والتعب لازم امشي للرياض يعني مغطه500 كيلو ومشكلتي ماني من اللي يسرعون 120 إذا أسرعت 130

وتخبرون ممنوع سواقة الحريم

المهم جلست أفكر وش لون أقولها إن عمك مات إنا اعرف مرتي تقلبها نياح وصياح

فكرت وفكرت وجلست أفكر وهم فكرت وبعد ما فكرت رجعت أفكر

وش لون أوصلها الخبر مشكلتي إذا احد قالي وصل الشي بس بهدوء عشان اللي قدامك ما ينصدم ما اعرف خلوني براحتي إنا أجيبه بس احد يوصيني عز الله راح فيها

المهم في نص الطريق وانأ ما أشوف من النوم قمت انعس ودي اسفط وأحط راسي ،،، تدري فرصتك ها الحين تقعد تصارخ وتباكي أكيد بيطير النوم

قلت: متى أخر مرة شفتي عمك

قالت: في الصيفية

قلت: اتفلى في وجهي إذا شفتيه ثاني مره

قهرتني ما ولولت مثل ما إنا متوقع ضحكت وقالت أنت صادق ولا تمزح قلت والله ما كذبت عليك الرجال مات وعسانا نلحق نصلى علية

المهم جلست تبكي مثل الناس العقال

في نفسي قلت يازقتين عز الله مو بطاير النوم


ابو عبد الله

بعدين لازم المرا تتذكر رجلها اجل تتذكر مين يعني

ابو وافي3 قصه حلوه

[الغريب]

شموخ

صدقيني احنا يا الرجاجيل قلوبنا رهيفه بس الحريم اهم

اللى يحدونا على اشياء مانبيها>>>>> واحد يصرف الموضوع

[الطائر المهاجر]

من أخطر المشاكل الزوجية الغيرة ، جاني واحد يقول يا أخي حياتي تحولت جحيم بسبب مرتي ،
تغار حتى من الشغاله إذا جابت لي شئ ، والمشكلة هي ما تجيبه ، وصارت شغلتنا كل يوم عندنا شغالة
ويا ويلها إن جابت لي شئ ، وإلا طردتها . قلت طيب هي حرمة ومعطيتك حقوق ، قال لا والله إلا متسلطة
ولاني شئ عندها ، لا احترام ولا تقدير ، ومثل ما قال المثل : لاوجه في المقعد ولا ....
قلت خلاص الحل عندي ونا ابو هندي ، لا عاد تجي للبيت في وقتك ، ودور لك شلة تسهر عندهم كم ليلة ،
واذا جيتها حط راسك ونم ولا تكلمها . وفي ثالث يوم ، شف لك حرمة عاقلة تثق فيها ، وخلها تكلمها ،
وتقول :
الوه : هذا بيت فلان ، طبعا تبي ترد مرتك
لكن المتحدثة تتعامل معها ومأنها أختك ، وكأنها ما درت إنها زوجتك.
المتحدثه : يالله حيهم وشلونكم عساكم طيبين ، يا أختي ابيك تقولين لي ولا تكذبين ،
فلان هو راعي شراب ، وإلا راعي حريم . طبعا الزوجة رايح تنخض ، ولكن رايح تقول ..لا ان شاء الله .
أجل الله يبارك لهم ...
تبي تنخض الزوجة مرة اخرى ... ورايح تسأل ، يبارك لمن
أجل هوه ما دريتي إن اخوك يبي يعرس ..
ترد زوجتك : طيب ماقلتي لي من انتي
انا الخطابة ام محمد ... تبين ادور لك رجل بعد .
الحرمة من قهرها صكت السماعة في وجه الحرمة
وبدت تفكر : الرجال ماهوب على عادته ، ما يجي إلا متأخر
ويلقيني ظهره وينام ، أكيد سواها .
اذا جاء ما يناقشها ولا يرد على اسئلتها يحط راسه وينام ، لمدة اسبوع .
الا والله يوم الحرمة تغيرت ، شال الله وحدة وحط وحدة ثانية ،
غدت تشيله في عيونها ، وراحت الغيرة المريضة ، ورجع رب البيت
وراعيه ، ورغم هذا كلما تسأل يقول لها اعلمك بعدين ، وبعد ثلاثة اشهر
من استمرارها على العلم الطيب ، قالها مادام إنك تغيرتي فأنا ايضا
غيرت فكري عن الزواج ، لكن لو ترجعين لطريقة الأولى ، فتراها والمه.
فلا تشيلون هم أيها الرجال الصناديد .... من اعسرته حرمته فعندي دواها ..
وأنتن أيها الماجدات من اعسرها زوجها فعندي دواه ...
ولدينا الإستعداد لفك السحر واخراج الجن ، والقراءة عبر الإنترنت .
تقدم الطلبات ومرفق بها تفصيل عن المشكلة ومعها عشرة اسهم في سابك.
الخشاش عندنا ما نبيه ...

[الغريب]

هههههههههههههههههههههههههههههه ههههههه

عز الله طاح حظ الخطابة ام على



ابو عبدالله ها الحين سواق التكسي يقدر يشتري اسهم سابك ماعاد هي مثل اول

عشان اقول اني ربحت يبيلى احتري سهم سابك الين مايوصل 600ريال

قابلني