شف وش صار في وقت الإختبار ((حار بحار))

ابووفىماعنه خفى · 16-01-2007, 10:00 PM

حيا الله كلن باسمه من طلاب و طالبات او من سبق له وان كان طالبا فيما مضى سوائن كمل دراسته والا هون منها او حتى من تسحتوه منها
باديء ذي بدء احب ان ادعو الله عزوجل ان يوفق جميع الطلاب في اختباراتهم وان يحصلوا على اعلى الدرجات
إنه جواد كريم ... كما اتمنى من اخواني واخواتي الطلبه ان يجتهدوا في دراستهم في الايام خاصة ولا يفوتوا الفرصة
عليهم وان ينظموا اوقاتهم وترك اسهر بقدر الاستطاعه ويخلون عنهم مناظر تلف العيون والسعسعه في السوقه
ولا اشوف في مسنجري ولا مودمانين عنده اختبارات باتسر الى منكم رسبتوا من يبي يفكني من دعاكم >>>>>>>> ماعليش يالمعجبات تحملن كلها سبوعين والاختبارات منتهيه

epsi:

الحديث عن ذكرى الدراسه والقلم والكراسه طويل وذو شجون ..أأأآاه ما ازبن ذيك الأيام آآآآه ليت شعري هل ابيتن ليلتن ..آآآآه ليتها تعود وإن كنا ايامها نتمنى زوالها

فمن باب لكل مقام مقال والشيء بالشيء يذكر سنجعل الموضوع عن ايام الدراسه والمواقف التي مررنا بها
سواء أكانت هذه المواقف جميله او خلاف ذلك متمنيا من زملائي وأحبابي الأعضاء التفاعل بذكر ماصادفهم من مواقف
سواء كانت لهم ام لغيرهم علنا ان نروح عن أنفسنا قليلا ( ( ترى الى قلنا زملائي تراها تشمل زميلاتي يعني المذكر يدخل معه المؤنث ))

الموقف الأول
طالب المتوسط يضع اسئلة الإمتحان :w00t:

يقول صاحب الموقف : كنت امشي فصادفت قريبي راكبن معه زميلي في سيارته ..وطلبت من قريبي ان يركبين مهم
فرفض بشده ..فحز في نفسي هذا التصرف وضاق صدري منه ومن هاللي معه وقررت اني احتال عليه بحيله علشان اقهره.. فلما قابلت زميلي الذي كنت انا وهو في المتوسط وفي سنتن وحده أخبرته بأن في حوزتي اسئلة الاختبار لمادة العلوم ..طبعا طلبها مني والح في طلبه بل وعرض علي العروض والمبالغ المغريه وهو ( (متفلهدزن))عليها وانا مالي خيار الا الأمتناع لأن مهنا اسئلة ولايحزنون..فلما يأس مني وتفرقنا
وبعد برهة من الزمن اذ بقريبي يوقف سيارته بجانبي ويفتح لي الباب ويحدثني باحترام وتقدير
لا ويركبني معه في موتره بل ويوجه هواء التكييف لي ثم ينزل البقاله ويشتري لي عصير الربيع ابو ريالين اللي ماكنت أجرؤ بمجرد أن احلم في شرائه فضلا ان اجده في متناول يدي حقيقة لا خيال..ثم بعد ذلك قال لي يا الله قلت افا ا انا قريبك ولاقد سويتها مع احد :icon_frow تكفى نزلني ولانيب معلم عليك امي ..ولم ادري الا بذاك الكف اللي مدري وين جاني معه حيث ان القزازه لم تستطع ان توقف خشتي من قوة الكف الذي لم بسبب اضرارن تذكر ,,ماغير ضرس العقل اللي فرحان به وتوه بادي يطلع طاح ولم يوجد له اثر الى يومك هذا ..وايضا ذلك الحلم الذي لم اجرؤ عليه انكب علي واتسخ ثوبي من عصير الربيع ( يافرحة ماتمت ) ثم قال : يالله طلع اسئلة العلوم وبسرعه ..وانا فاق كشرتي واقول أي اسءله قسم بالله ماعندي شيء والله اني كنت العب عليه... وبعد ان (توطا في بطني )اهتديت الى حيلة وقلت : خلاص سأحضرها بس فكني وبعدها ذهب بي الى البيت وطبعا دخل معي بيتنا حيث ان امي و اخواتي ما يتغطون عنه

وفي غفلة منه فتحت الكتاب واشك ذيك الأسئله واعطيه اياها وبعدها خرج ..وانا من الطق اللي جاني نمت ولم افق الا في الغد

..وعندما ذهبت الى المدرسه واذا بصاحبي معه الورقه اللي كتبتها له ,, لا ويتبجح بها قدامي من زين
الطبايع :021:

الموقف الثاني
ماعرفنا عربي حتى نعرف انقليزي

كنا في الثانوي وكان الإمتحان مادة (E ) فأحد الزملاء عطوه المدرسين بالغلط ورقة اسئلة غير صفه والطالب ماشاء الله عليه حل ابو مندوبها الظاهر ان اخواله فرنسيين :brows:
وبعد ماخلصنا لأامتحان اذا به يكتشف انه استلم اسئلة غير اسئلته >>>>> صح النوم واصلا زملائه هم اللي غلموه والا
ان تسان ردت له فيخلف الله يبطي عظم يدري وش الأسئلة
فقال وش اقول؟؟ قلت شف افتن عليهم وقل لهم الخطا منكم والا انا ماعرفت عربي حتى اعرف قلينزي وفعلا تم اعادة امتحانه وطلعت النتيجه راسب

قل صبه قال احقنه

الموقف الثالث

يازين النوم في صالة الإمتحان زيناه

اثناء تسليمنا الأسئله انتهت الكميه و بقي احد الزملاء لم ياخذ اسئلته ..فطلبو له المدرسين ورقة اسئله ..وزميلنا اللي ماعطوه ورقة الاسئلة حط راسه على طاولته ليرتاح فيما يجيبون له ورقته ..المدرسين نسووووووه
حنا سلمنا اوراقنا وطلعنا ويوم قارب الوقت على النهايه المدرسبن قوموه بياخذون ورقة الإجابه فاكتشفوا ان مامعه ورق.. ويوم قام الطالب والى ماحوله احد كلن راح فصار يصايح ويهاوش والرجال مهوب قليل شر وصعب التفاهم معه والمدرسين بيعطونه ورقه وماعندهم مانع يجلسون معه الين العصر بس المشكله هو رافض يقول جيبوا زملائي يختبرون معي حتى نفسيتي تنفتح للحل >>>>>> الا الهيس يبي واحدن ينقل منه :whistling

الموقف الرابع
المدرس رسب والطالب نجح

كان عندي اختبار (E) وانا كنت حافظ التعابير زي اسمي مع العلم اني مدري وش معناها .وقبل الاختبار وحنا طالعين من الجامعه طلبت من احد الدوافيراللي فاهمين انقلش يبين بعض (القرامرات) وفعلن رحت عنده وقت الصبح وسولفنا عن الكوره وعن اخوانه وامه وابوه وعن حديقة الخيمه بلا بيتهم قريبتن من لمها وعن جيرانهم وللمعلوميه جيته الساعه تسع ونصف وطلعت عشر ونصف ماطب اثمي الا بيالة شاهي مصخنه وكاس اميهه لا اعوذ بالله من الشيطان الرجيم اثرهن كاسين والثالث ماكملته >>>>>> ياربيه بغيت احط شي في ذمتي

رفيدزي ماقصر وضح لي (قرامرين) بس عن الظليمه جت وحده منهن في الاختبار على شان تدرون ان عندي ذمه في نقل الأحداث ..المهم أنا نجحت والحمد لله والمنه ورفيدزي حمل الماده مع انه صراحة يرطن انقلش لكن وش اسوي له اذاصار ماحفظ التعابير..والمشكله كل الطلاب اللي يعرفوني واللي مايعرفوني واللي مسجلين واللي مابعد سجلوا دروا بالقصة وصرت على كل لسان كل من شافني يشر علي ويقول تشوف هذا فلان درسه قلينزي وهو نجح واللي دسره رسب :furious:

الموقف الخامس
قال كم حدكم ؟؟ قال الساعة ثنتين

انا في ايام الإمتحانات متعود من يوم اخلص امتحاني على طول للبيت لابوفيهاتو لا تمشي مع احد ومن يوم اجي افطر واقرا الماده اللي علي بكره حيث اخلص ربع المنهج تقريبا ثم انوم واقوم الصلي الظهر >>>>>>نسأل الله الاخلاص
ثم اكمل ومايجي المغرب الا وانا الحمدلله مخلص ومراجع.. لا مذاكرة مع زملا ء ولاغيره وماتجي الساعة تسع ليلا الا وانا في سابع نومه..المهم ذاك اليوم طلب احدهم ان يذاكر عندي مادة المحاسبه ...وجا ء عندي نصف العصر , ومر احد الزملا وشاف سايرة الزميل واقفه عند البيت فما كان منه الا انه وقف وطق الباب ودخل لكنه كان مستعجل فحينما طلبت منه الجلوس فرفض ثم قال انا ابجيكم بعدين بس انتم جالسين الى متى؟؟ وتوني ابقول الساعة تسع الا واخينا في الله قال الى الساعه ثنتين,, واش اسوي اقول لا وقع الفاس في الراس معد يمدي..المهم جت الساعة تسع وتعشينا ((الله يخلي لنا خنيس )) وجت الساعةعشر وانا ماغير رايح اغسل وجهي وافوطه واجي ابي النوم يطيربس ماش النوم مقصصتن جنحانه ثم حطيت الكتاب على وجهي وانوم غصب علي بس مابيه يدري اني نايم , لكن اخينا في الله يقومني ثم انوم ثانيه واخرتها زعل وطلع بحجة اني اصرفه

ولآن مع مواقفكم واحلى مايك معاكم مع اطيب التمنيات لكم بالتوفيق والنجاح

عذبة الطباع · 16-01-2007, 11:30 PM

هههههههههههههههههههههههههههههه هههههههههههههه
ماشاء الله كل موقف احلى من الثاني
بس احلى شي
كل من شافني يشر علي ويقول تشوف هذا فلان درسه قلينزي وهو نجح واللي دسره رسب
هههههههههههههههههههههههههههه ماقلت لنا شعوره احسه بينفقع من القهر مسكين
تحياتي لك ابو وفى كثر من طلاتك علينا ترى نستناك ..